आंजर्ले गाव रत्नगिरी जिल्ह्यात समुद्र काठी उतार अक्षांश १७ ͒- ४२' आणि पूर्व ७३ ͒- ८' वर वसले आहे. आंजर्ल्यास येण्यासाठी मुंबई - गोरेगांव - आंबेत - मंडणगड - दापोली - आंजर्ले अथवा मंडणगड - पालावणी - कांदिवली - वेळावी मार्गे आंजर्ले असे दोन रस्ते आहेत. पुणे, कोल्हापूर, कराड, हि गावे दापोलीला महामार्गाने जोडलेली आहेत. दापोली - अडखळ - आंजर्ले असा दुसरा मार्ग आहे. आंजर्ले खाडीवरील पुलाचे काम मे २००३ मध्ये पूर्ण होऊन आता आंजर्ले गाव सागरी महामार्गाचा एक महत्वाचा टप्पा बनला आहे. हे मंदिर डोंगरावर असल्याने त्यास कड्यावरील गणपती मंदिर असे नाव पडले असावे. सध्याच्या मंदिराच्या जागेवर एक मंदिर पुरातन काळापासून होते या त्याची पूजाअर्चा व व्यवस्थापन आंजर्ले गावातील नित्सुरे(वेधशाळा घराणे) या घराण्याकडे होती.